Hamwe Na Mwathani Mindi O Na Mindi Lyrics

Hamwe na Mwathani o mĩndĩ na mĩndĩ,
Nĩndakena ndaigua nĩguo gũtariĩ;
Rĩu ndĩ gũkũ thĩ ĩno, ndĩna magerio,
No ngahurũka ndakinya Igũrũ kwa Ngai.

Nyũmbainĩ yaku nĩkũrĩ ciikaro,
Na ngoro yakwa nĩkwenda gũka gwaku narua;
Gũgakĩhana atĩa ndarĩkia gũkinya?
Nĩngaheo igai rĩega Jerusalem thĩinĩ.

Ndĩ mokoinĩ maku, Baba ũngĩenda,
Tũma ciĩranĩro ciaku cionwo haha o rĩu;
Ngwata guoko kwa ũrĩo ndikae kũgũa rĩngĩ,
Ũnyite ndũgame wega na nĩngahootana.

Nĩguo hĩndĩ yakwa yakinya ya gũũka,
Gĩkuũ gĩkahingũrĩra mũromo wa muoyo;
Rũĩmbo rũa gũtoria o na kũriũka,
Tũkainagĩra Jesũ, Mũtoria mũnene.