Hingurai Ngoro Cianyu Lyrics

Hingũrai ngoro cianyu,
Matũ ciigue imenye;
Njĩra ya gũthiĩ matu-inĩ,
Mũkone gĩkeno.

Tondũ nĩkuo ngoro cianyu,
Ciĩrĩgagĩrĩra;
Mĩago na morirũ maingĩ,
Cia arĩa akirĩrĩria.

Jesũ erire Ithe matu-inĩ,
Nĩngaikũrũka thĩ;
Ngahonokie arĩa matũire,
Manyarirĩkaga.

Jesũ aikũrũka gũkũ thĩ,
Nĩageririo mũno;
Na magerio ma gũkũ thĩ,
No ndahootekire.

Nĩ athũũrirwo na akĩrumwo,
Na agĩthekererwo;
Ningĩ akĩnyũrũrio mũno,
Endaga riri wa Ithe.

Nĩ athiĩrĩirwo nĩ Judasi,
Na ũũgĩ mũingĩ ma;
Kũrĩ athĩnjĩri Ngai,
Nĩguo mamũrage.

Oragwo nĩguo ahotire,
Kuona njĩra njega;
Ya gũcoka ũthamaki-inĩ,
Wa Ithe ũrĩa atigire.

Nĩehitire akiuga na ma,
Kinya thĩ ĩgathira;
Gũtirĩ mũndũ ũgacooka,
Kwambata na mwĩrĩ.

No mũhaka gũtonyagwo,
Na ruo rũnene;
Gĩkuũ nĩyo njira njega,
Ya arĩa akirĩrĩa.