I, Roho Mutheru, Thikiriria Lyrics

Ĩ, Roho Mũtheru, thikĩrĩria;
Ũka o haha, twagũthaitha ma;
ũtũikũrũkĩre na hinya waku:
Roho Mũtheru, tũiyũre ngoro.

Na ũũke ta ũtheri wa gũtuonia;
Ũrimũ witũ o na wĩhia;
Na nĩguo tũhote gũthiĩ wega:
Ũtuonie njĩra ta twĩ na tawa.

Na ũũke ta mwaki nĩguo ũcine;
Ũũru ũrĩa ũtũthahĩtie;
Tũtungatagĩre Mũkũũri witũ;
Ngoro ciitũ ihorohetio.

Na ũũke ta mbura ya kũmeria;
Ciĩko nyingĩ cia gũgũkenia;
Tũhaane mũgũnda mũnoru mũno:
Ũtangĩaga kuuma irio.

Na ũũke ningĩ ta rũhuho o huu!
Ta ũrĩa wokire, ningĩ ũũke rĩu;
Kĩrĩndĩ gĩkaigue mĩciĩinĩ yao:
Makũiyũkie ngoroinĩ ciao.

Ĩ, Roho Mũtheru, thikĩrĩria;
Ũka thĩ yothe, twagũthaitha ma;
Ũtũikũrũkĩre na ũtugi waku:
Roho Mũtheru, no gĩũke o rĩu.