Muhuro Wa Mutharaba Lyrics

Mũhuro wa Mũtharaba
Ngwenda kũrũgama,
Nĩho kĩĩruru kĩega
Gĩa kwĩyũa riũa.
Ngũmenya na Ngoro yakwa
Jesũ akandwara
Kũrĩa kwega ngahurũka,
Gũtarĩ na thĩĩna.

Haha nĩho hega mũno,
Na he na mwĩhoko;
Haha nĩhonekete
Wendani mũnene.
Ta ũrĩa Jakubu o tene
Onirio nĩ Ngai,
Mũtharaba ũtuĩkĩte
Njĩra ya Igũrũ

Jesũ mũtharaba-inĩ
Nĩmaamũrumire,
Aakuire a'honokie;
Niĩ nĩndorĩte.
Na niĩ nĩngũmaka ma
Nĩ maũndũ merĩ,
Atĩ Jesũ anyendaga
Na ndĩ o mũremi.

Mũndũ ũkwenda gũkinya
Kwa Jesũ Igũrũ,
Njĩra ya mũtharaba
Noyo ya kwambata.
Jesũ nĩ Mũhonokia,
Hatirĩ na ũngĩ;
Gwĩ gĩkeno kĩnene ma
Hamwe na Mwathani.