Ngai Mwega Na Muigua Tha Lyrics

Ngai mwega na mũigua tha,
Ũnjiguithie wendo waku
Ngoro thĩinĩ;
Ũnjiyũrie wendo ũcio
Ngĩe na ngoro ta ya Jesũ
Mwana waku.

Ũ’he kwĩrira kũnene
Nĩ ũndũ wa waganu wakwa
O na ũremi;
Ũ’he kĩeha ndirikane
Ũrĩa ndanagũtirika
Kaingĩ mũno.

Ndeithia mũno kumbũraga
Ũũru wakwa wothe wothe,
Ngai mwega,
Nĩguo nawe ũnjohere
Tondũ wa kũnyamarĩka
Kwa Mũrũguo.

Ngai, ndũmĩra Roho mwega
Njiyũragwo nĩwe ngoro
Hingo ciothe,
Njikarage ndĩ mũthingu
Ta Mwathani wakwa Jesũ
Ũnyendaga.

Ningĩ ũ’he kĩyo kĩnene
Gĩa kuonagia andũ arĩa angĩ
Wendo waku,
Ndĩmerage wĩ mũigua tha,
Na wendaga kũmohera
Na kũmoya.

Ngwenda ndũme makwĩhoke,
Makũmenye na makwende,
Ithe witũ,
Nĩguo andũ magũkumie,
Magũtue Mũhonokia
Bũrũri ũyũ.