Ng'ondu Mirongo Kenda Na Kenda Lyrics

(There Were Ninety and Nine)

Ng'ondu mĩrongo kenda na kenda
Ciarĩ kiugũinĩ,
Tondũ ĩmwe nĩyorĩire
Kũraya na kĩhingo.
Yarĩ kũraya na Mũrĩithi;

O kũraya mũno, na kwarĩ nduma;
O kũraya mũno, na kwarĩ nduma.

"Ng'ondu ici ciothe irĩ haha
Kaĩ itangĩkũigana?
Ĩo ĩmwe erekwo yũre,
Tondũ ici nĩ nyingĩ ma."
No Mũrĩithi akĩmũcokeria,

"Ndathiĩ ngacarie ĩrĩa yũrĩte."
"Ndathiĩ ngacarie ĩrĩa yũrĩte."

Ũtukũ ũcio Mũrĩithi
Aaraire gĩthakainĩ:
Na gwakĩa, akĩona ng'ondu ĩo
Ĩgũĩte irimainĩ.
Nĩ kũigua aaiguire yaania,

Ĩtigairie hanini ĩkue nĩ heho.
Ĩtigairie hanini ĩkue nĩ heho.

Na Mũrĩithi aakinya mũciĩ,
Akiuga,"nĩtũkene,
Ng'ondu yakwa ĩrĩa ĩrorĩte
Nĩndarĩkia kũmĩona."
Na araika makĩanĩrĩra,
Makiuga,"Kenai, kenai o ma,

Ng'ondu ĩrĩa ĩrorĩte nĩyoneka."
Ng'ondu ĩrĩa ĩrorĩte nĩyoneka."