Nigwaciariruo Mwana O Tene Lyrics

Nĩgwaciarirũo Mwana o tene;
Mariamu nĩwe warĩ nyina:
Mũrũ wa Ngai nĩwe watũmirũo
Atũrekere mehia maitũ.

Nĩgwaciarirũo Mwana o tene
Warĩ mũnene na mũthĩni;
Na nĩwe wegaĩire gũkuua
Mehia maitũ marĩ mothe.

Aarĩ mũtheru, Mũrũ wa Ngai;
Agĩikũrũka agĩũka thĩ,
Atũhonokie na atoragie
Thũ ciitũ ciothe cia ngoro.

Nĩkwarathirũo ũhoro wake;
O na araika makĩmuona
Arĩ Igũrũ ũneneinĩ:
Gũkena-rĩ, nĩ andũ ake.