Nu Utangiigua Kieha Lyrics

Nũ ũtangĩigua kĩeha
Na ũtangĩrĩra mũno
Nĩ kuona Jesũ agĩthĩnio
Hau mũtharabainĩ?
Nĩtũũĩ nĩatwendete,
Na nĩkĩo aatũkuĩrĩire
Akĩĩruta atũonokie
Tũkinye Muoyoinĩ.

Jesũ Mũkũũri wakwa
Mũgũndainĩ akĩhoya,
Agĩita njoya ĩtariĩ
Mataata ma thakame;
Mũraika ũmwe nĩokire
Kũmuongerera hinya
Na aarĩkia kũgĩa na hinya
Akĩĩũmĩrĩria gũkua.

Judasi aakinya he Jesũ
Akĩmũgeithia na ũhinga,
"Rabii ũrĩ mũhoro?"
Na akĩmũmumunya;
Nake Jesũ akĩmwĩra.
"Ĩka o ũrĩa ũkwenda."
Thigari igĩkĩmũnyita
Agĩtwarũo gwa Kaiafa.

Judasi, ndũngĩigua kĩeha
Ũgĩkana Mwathani,
Wagĩa na roho mũthũku
Wakunyanĩra Jesũ?
Tondũ wa wendi wa mbia
Wendia Mũkũũri waku,
Wanengera Ayahudi
Mwathani mamũũrage.

Pilato, ndũngĩĩtigĩra
Ũkĩmũtuĩra cira,
Watuĩra Mwathani Jesũ
Ũkĩenda gũkenia andũ?
Tondũ wa gwĩtigĩra andũ
Wohorithia Baraba
Wanengera Ayahundi
Mwathani mamũũrage.

Petero orio nĩ mũirĩtu
Kana we nĩ wa Jesũ
Ũcio nake agĩkana
Akiuga, "Niĩ ndimũũĩ!”
Aakana Jesũ gatatũ
Nayo ngũkũ ĩkĩgamba
Akĩinama akĩrĩra
Aaririkana Jesũ