Nyitite Rugendo Ndorete Mbere (Kiroho) Lyrics

NYITĨTE rũgendo ndorete mbere,
Ndĩhokete Jesũ no ngahotana.
Rĩrĩa kũrĩ thĩna kana gĩkeno.

Thutha ndirĩ kĩndũ njĩrĩgĩrĩire,
Thahabu na betha itirĩ na bata.
Ndĩhokete Jesũ no ngahotana.

Ngwĩyũria ngoro-inĩ nginyĩte taha,
Mũthenya wa ituĩro ũkirie gũkinya.
Atheru tũthamake hamwe na Jesũ.

Nacio ita cia Araika nĩ thagathage,
Irorete mbara-inĩ kirai mũigue
Mũgambo wa Jesũ ũgĩathana

Rĩu coro wa ita ũkirie kũrĩra,
Jesũ acoke agwete rũhiu rwa igetha.
Magetha ma Roho no to makinyu.

Oke agethe iria cia gũthiĩ muoyo-inĩ,
Na mahuti mothe macokererio.
Moywo maiko riko matirĩ bata.

Ngumo na mĩĩhĩtwa ya athamaki a thĩ,
Nĩ igatuĩrwo ciira ũtarĩ ngarari.
Moywo maikio riko makĩrĩraga.

Hindĩ ĩyo arĩa atheru nĩ tugakena,
Ithenya rĩa mathĩna na mbara nene.
Na kũmenwo kũingĩ niũndũ wa Jesũ

Tũkaheo thũmbĩ na ikeno nyingĩ,
Nĩ ithuĩ twethũrire ngoro na Mĩĩrĩ.
Gũkua na gũthĩnio niũndũ wa Jesũ.


0 comments

Post a Comment