Rugendo Rwakwa Rwa Muoyo (Kiroho) Lyrics

RŨGENDO rwakwa rwa muoyo,
Ndĩna thĩna ndĩ gũkũ thĩ.
Ngakenaga ndanina rũgendo rũrũ wega.

Mũthenya wakwa wa muoyo,
Ngakenaga ndona Jesũ.
Tondũ nĩwe ũnyonagia njĩra ya muoyo-inĩ.

Anyonagia njĩra wega,
Hingo ya rũgendo rwakwa.
Ndingĩrigwo nĩ njĩra ya muoyo rũgendo-inĩ.

Ikeno ciitũ cia muoyo,
Tuonanagie twĩ gũkũ thĩ.
Tũgakena twakinya matu-inĩ twĩna Jesũ

Tũikaranagie na wendo,
Twetereire tũgatonya
Ũthamaki-inJ witũ kũrĩa igũrũ tagatũra.

Tagatũrania na wendo,
Thĩna twanona gũkũ thĩ.
Na maithori rũgendo-inĩ rwitũ nĩ igathira.

Tũgatũra tũkenaga,
Tũkĩinaga rũĩmbo rwerũ.
Rwa gũtoria gĩkuũ na mathĩna rũgendo-inĩ

Ngakena mũno ndamuona,
Muoyo wakwa nĩ ũgatura.
Na gĩkeno ngatũrania nake nginya tene.

Meciria ma mwĩrĩ wakwa,
Ndingĩmenda rũgendo-inĩ.
Tondũ nĩ mekũhĩtithia njĩra rũgendo-inĩ.

Mũthenya ũrĩa ngatiga,
Mwĩrĩ wakwa thĩ ĩno wothe
Ngakena ndatonya muoyo-inĩ ũtagathira.