Ukai Haha Murire Lyrics

Ũkai haha mũrĩre;
Mũũke muone Mwathani;
Mũigue kĩeha na mwĩrire:
Jesũ nĩ mwambe mũtĩinĩ!

Mwona agĩthĩnio ũguo,
Kaĩ mũkwaga maithori?
Iguai agĩthirĩkio:
Jesũ nĩ mwambe mũtĩinĩ!

Nĩoigire ciugo mũgwanja,
Ciugo njega cia wendani,
Akĩenda andũ maiguĩrũo tha:
Jesũ nĩ mwambe mũtĩinĩ.

Waganu witũ na mwĩtĩo,
Ti itheru nocio Judasi:
Nĩ ithuĩ twamũũragithirie:
Jesũ nĩ mwambe mũtĩinĩ!

Rĩu nĩtũhoe tha njigũ,
Ningĩ tũrĩre maithori;
Tũgerie rĩu kwĩrira ma:
Jesũ nĩ mwambe mũtĩinĩ!

Jesũ nĩ inyuĩ aakuĩrĩire:
Mũkũmũthũũra nĩ ũndũ kĩ?
Hootwoni nĩ wendo wake:
Jesũ nĩ mwambe mũtĩinĩ.